ვიქტორ დოლიძის შეხვედრები აშშ-ს სახელმწიფო დეპარტამენტში.

2 ოქტომბერს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე, ამერიკის შერთებულ შტატებში სამუშაო ვიზიტის ფარგლებში, სახელმწიფო დეპარტამენტის ევროპისა და ევრაზიის საკითხთა ბიუროს ევროკავშირის ოფისის დირექტორს უიტნი ბეარდს და სახელმწიფო მდივნის თანაშემწის მოადგილეს ბრიჯიტ ბრინკს შეხვდა.

შეხვედრებზე მხარეებმა საქართველოს ევროკავშირსა და ნატოში ინტეგრაციის აქტუალური საკითხები განიხილეს, კერძოდ, საუბარი შეეხო ნოემბერში დაგეგმილი აღმოსავლეთ პარტნიორობისა და ნატო-ს მომავალი სამიტისთვის მზადების საკითხებს. სახელმწიფო მინისტრმა ასოცირების შეთანხმების განხორციელების კუთხით დაფიქსირებულ პროგრესზე, რეფორმების მიმდინარეობაზე გაამახვილა ყურადღება და ხაზი გაუსვა ამერიკის შეერთებული შტატების მხარდაჭერის მნიშვნელობას ინტეგრაციის პროცესში. „ის სრული მხადაჭერა, რომელსაც ამერიკის შეერთებული შტატები გვიცხადებს ჩვენ, ეფუძნება იმ საქმიანობას, რასაც ჩვენ რეფორმების გატარების კუთხით ვეწევით. იგეგმება აღმოსავლეთ პარტნიორობის სამიტი და ამერიკელების მხარდაჭერა ევროპელებთან მიმართებაში ძალიან მნიშვნელოვანი იქნება, იმისათვის, რომ ჩვენ კიდევ უფრო მეტი პოლიტიკური ასოცირება, ეკონომიკური ინტეგრაცია განვახორციელოთ ევროკავშირთან"-განაცხადა სახელმწიფო მინისტრმა.

შეხვედრებზე აღინიშნა, რომ საქართველოს ოკუპირებულ რეგიონებში ადამიანის უფლებების დარღვევის ფაქტები, ბორდერიზაციისა და რეგიონების მილიტარიზაციის პროცესი საფრთხეს უქმნის მთლიანად რეგიონის სტაბილურობასა და უსაფთხოებას. აგრეთვე, განსაკუთრებული ყურადღება გამახვილდა ანტიდასავლური პროპაგანდის გასანეიტრალებლად მოსახლეობის ცნობიერების ამაღლებისა და ამ მიმართულებით მუშაობის გაძლიერების მნიშვნელობაზე.

სხვა ამბები

  • ვიქტორ დოლიძემ უნგრეთის ელჩთან გაცნობითი შეხვედრა გამართა 18 ოქტომბერს, მთავრობის ადმინისტრაციის შენობაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა, ვიქტორ დოლიძემ გაცნობითი შეხვედრა გამართა საქართველოში უნგრეთის ელჩთან ვიქტორია ჰორვატთან.
  • ვიქტორ დოლიძე მიუნხენის უსაფრთხოების კონფერენციის თავმჯდომარის მოადგილეს შეხვდა. 17 ოქტომბერს, მთავრობის ადმინისტრაციის შენობაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე მიუნხენის უსაფრთხოების კონფერენციის თავმჯდომარის მოადგილეს ბენედიქტ ფრანკეს შეხვდა.
  • ვიქტორ დოლიძის შეხვედრა თსუ-ს სტუდენტებთან „საქართველოს ევროპულ ოჯახში დაბრუნება-ეს არის ის, რაც გადაწყვიტა ქართველმა ხალხმა, საქართველოს მოსახლეობის არჩევანია ევროპული ღირებულება და ეს არის თავისუფლების სიყვარული და ამაზე დაფუძნებული ღირებულებები ვფიქრობ, რომ ეს არის ყველაზე მნიშვნელოვანი."-განაცხადა ევროპულ და ევროატლანტიკურ სტურქტურებში ინტეგრაციის საკითხებში სახელმწიფო მინისტრმა ვიქტორ დოლიძემ თბილისის სახელმწიფო უნივერსიტეტში სტუდენტებთან შეხვედრაზე.