12 სექტემბერს, ქ. ბრიუსელში ნატო-საქართველოს კომისიის სხდომა გაიმართა

2017 წლის 12 სექტემბერს, ბრიუსელში, ნატოს შტაბ-ბინაში გაიმართა ნატო-საქართველოს კომისიის სხდომა საქართველოს მიერ ადამიანის უფლებების ეროვნული სტრატეგიისა და გაეროს უშიშროების საბჭოს N1325 რეზოლუციის განხორციელების საკითხზე. შეხვედრა პარტნიორობისა და თანამშრომლობითი უსაფრთხოების კომიტეტის დონეზე ჩატარდა და მას ალიანსის ინტეგრაციის, პარტნიორობებისა და თანამშრომლობის დირექტორატის ხელმძღვანელი იაროსლავ სკონიეჩკა თავმჯდომარეობდა. საქართველოს მხარეს შეხვედრაზე მთავრობის ადმინისტრაციის ადამიანის უფლებათა დაცვის სამდივნოს ხელმძღვანელი ნატალია ჯალიაშვილი და თავდაცვის სამინისტროს ადამიანური რესურსების დეპარტამენტის დირექტორის მოადგილე მაკა პეტრიაშვილი წარმოადგენდნენ.

საქართველოს დელეგაციის წევრებმა შეხვედრაზე მოკავშირეებს ამომწურავი ინფორმაცია მიაწოდეს ადამიანის უფლებების დაცვის უზრუნველყოფის კუთხით არსებული გამოწვევებისა და საქართველოს მთავრობის მიერ ამ კუთხით განხორციელებული ღონისძიებების თაობაზე. განსაკუთრებული ყურადღება დაეთმო მართლმსაჯულების სფეროში გატარებულ რეფორმებს, მედია თავისუფლების განმტკიცების მიზნით გადადგმულ ნაბიჯებს, გენდერული თანასწორობის, შრომის უსაფრთხოების დაცვის, შეზღუდული შესაძლებლობების მქონე პირთა უფლებების განმტკიცებისა და გაეროს N1325 რეზოლუციის პრინციპების საქართველოში დანერგვის თაობაზე. მოკავშირეებმა შეხვედრაზე განსაკუთრებით დადებითად შეაფასეს საქართველოს ხელისუფლების მიერ ადამიანის უფლებების განმტკიცების კუთხით გადადგმული ნაბიჯები და მთავრობას რეფორმების გაგრძელებისკენ მოუწოდეს.

სხვა ამბები

  • ვიქტორ დოლიძე სერბეთში შეხვედრებს მართავს 13 ნოემბერს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ ქ. ბელგრადში, სამუშაო ვიზიტის ფარგლებში შეხვედრები გამართა სერბეთის ევროპასთან ინტეგრაციის მინისტრმა იადრანკა იოკსიმოვიჩსა და ევროკავშირში სერბეთის გაწევრიანებასთან დაკავშირებით მთავარ მომლაპარაკებელს ტანია მისჩევიჩს შეხვდა.
  • ვიქტორ დოლიძის სამუშაო ვიზიტი გერმანიაში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე სამუშაო ვიზიტით გერმანიის ფედერაციულ რესპუბლიკაში, ქ.ბერლინში გაემგზავრა, სადაც 9-11 ნოემბერს შეხვედრები გამართა.
  • ევროკომისიის ანგარიშის თანახმად ევროკავშირის პრიორიტეტები თანხვედრაშია საქართველოს მთავრობის რეფორმების გეგმასთან 2017 წლის 10 ნოემბერს ევროკომისიამ საქართველოს მიერ ასოცირების შეთანხმების შესრულების თაობაზე ანგარიში გამოაქვეყნა, რომელიც მოიცავს პერიოდს 2016 წლის დეკემბრიდან 2017 წლის ბოლომდე. დოკუმენტში შეფასებულია საქართველოს მიერ ასოცირების შესახებ შეთანხმების ფარგლებში რეფორმების განხორციელების კუთხით მიღწეული პროგრესი. როგორც ანგარიშშია ხაზგასმული 2017 წელს საქართველოსა და ევროკავშირს შორის ურთიერთობები კიდევ უფრო ინტენსიური გახდა.