ვიქტორ დოლიძე სამუშაო ვიზიტით უკრაინაში გაემგზავრა.

ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრი ვიქტორ დოლიძე სამუშაო ვიზიტით უკრაინაში, ქ.კიევში იმყოფება, სადაც ა.წ. ნოემბერში, ბრიუსელში დაგეგმილი “აღმოსავლეთ პარტნიორობის“ მეხუთე სამიტისთვის მოსამზადებელ უკრაინულ-ქართულ-მოლდოვურ კონსულტაციებში მიიღებს მონაწილეობას. შეხვედრაზე ყურადღება გამახვილდება „აღმოსავლეთ პარტნიორობის სამიტისთვის“ მზადებაზე, სამიტის დეკლარაციისთვის საერთო პოზიციების შემუშავებასა და ამ მხრივ პარტნიორების კონსოლიდირების საკითხებზე.

ვიზიტის ფარგლებში დაგეგმილია ევროინტეგრაციის საკითხებზე ვიქტორ დოლიძის შეხვედრა უკრაინის ანალიტიკური ცენტრებისა და სამოქალაქო საზოგადოების წარმომადგენლებთან.

სხვა ამბები