ვიქტორ დოლიძე ბრატისლავას პროფესიული სკოლის დირექტორს შეხვდა

11 ივლისს, მთავრობის ადმინისტრაციის შენობაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე ბრატისლავას პროფესიული სკოლის დირექტორს  მარია კატრენიაკოვასა და ამავე სკოლის წარჩინებულ სტუდენტს მიქაელა მაგდალენა ტიჩას შეხვდა. სტუმრები საქართველოში პროექტის ,,ევროპელი მასწავლებელი“ ფარგლებში იმყოფებიან. ეს პროექტი  ქართული პროფესიული სკოლებისა და ევროპული ღირებულებების პოპულარიზაციას ისახავს მიზნად.

სახელმწიფო მინისტრის აპარატის მხარდაჭერითა და ნატოსა და ევროკავშირის შესახებ საინფრომაციო ცენტრის ორგანიზებით პროექტის "ევროპელი მასწავლებელი" ფარგლებში 10  პროფესიული სკოლის  მასწავლებელი  საქართველოს სხვადასხვა რეგიონიდან  (მიმართულება: სასტუმროს მენეჯმენტი, მშენებლობა, კულინარია)  მაისის ბოლოს  ვიზიტით სლოვაკეთში, ბრატისლავაში იმყოფებოდაისინი შეხვდნენ სლოვაკური პროფესიული სკოლების წარმომადგენლებს: დირექტორებს, სტუდენტებს, პედაგოგებსა და მათი გამოცდილებები გაიზიარეს. პროექტი  ICMPD- მიგრაციის პოლიტიკის განვითარების საერთაშორისო ცენტრის ფინანსური მხარდჭეერით ხორციელდება.

ეს არის ამ პროექტის  პირველი წარმატება, იწყება პირველი ურთიერთობები სკოლებს შორის, ისახება პირველი გეგმები, გაცვლითი პროგრამები, სკაიპ გაკვეთილები. ქართველი მასწავლებელები და სტუდენტები ევროპელი კოლეგების გამოცდილებას გაიზიარებენ.

სახელმწიფო მინისტრთან შეხვედრაზე მხარეებმა  ქართულ და სლოვაკურ პროფესიულ სკოლებს შორის სამომავლო გეგმებსა და პერსექტივებზე ისაუბრეს. 

სხვა ამბები

  • ვიქტორ დოლიძე სერბეთში შეხვედრებს მართავს 13 ნოემბერს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ ქ. ბელგრადში, სამუშაო ვიზიტის ფარგლებში შეხვედრები გამართა სერბეთის ევროპასთან ინტეგრაციის მინისტრმა იადრანკა იოკსიმოვიჩსა და ევროკავშირში სერბეთის გაწევრიანებასთან დაკავშირებით მთავარ მომლაპარაკებელს ტანია მისჩევიჩს შეხვდა.
  • ვიქტორ დოლიძის სამუშაო ვიზიტი გერმანიაში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე სამუშაო ვიზიტით გერმანიის ფედერაციულ რესპუბლიკაში, ქ.ბერლინში გაემგზავრა, სადაც 9-11 ნოემბერს შეხვედრები გამართა.
  • ევროკომისიის ანგარიშის თანახმად ევროკავშირის პრიორიტეტები თანხვედრაშია საქართველოს მთავრობის რეფორმების გეგმასთან 2017 წლის 10 ნოემბერს ევროკომისიამ საქართველოს მიერ ასოცირების შეთანხმების შესრულების თაობაზე ანგარიში გამოაქვეყნა, რომელიც მოიცავს პერიოდს 2016 წლის დეკემბრიდან 2017 წლის ბოლომდე. დოკუმენტში შეფასებულია საქართველოს მიერ ასოცირების შესახებ შეთანხმების ფარგლებში რეფორმების განხორციელების კუთხით მიღწეული პროგრესი. როგორც ანგარიშშია ხაზგასმული 2017 წელს საქართველოსა და ევროკავშირს შორის ურთიერთობები კიდევ უფრო ინტენსიური გახდა.