ვიქტორ დოლიძე აღმოსავლეთ პარტნიორობის საკითხებში საგანგებო დავალებათა ელჩებს შეხვდა

11 ივლისს, მთავრობის ადმინისტრაციის შენობაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ შეხვედრა გამართა ევროკავშირის წევრი ქვეყნების საგანგებო დავალებათა ელჩებთან აღმოსავლეთ პარტნიორობის საკითხებში.

სახელმწიფო მინისტრმა საგანგებო დავალებათა ელჩებს დეტალური ინფორმაცია მიაწოდა საქართველო-ევროკავშირის ასოცირების შესახებ შეთანხმების განხორციელების პროცესის მიმდინარეობის, წარმატებული რეფორმებისა და გამოწვევების თაობაზე, ასევე, სამოქალაქო საზოგადოებასთან თანამშრომლობის საკითხებსა და საკონსტიტუციო რეფორმის მიმდინარეობაზე.

მხარეებმა მიმდინარე წლის ნოემბერში დაგეგმილი აღმოსავლეთ პარტნიორობის სამიტისთვის მზადების საკითხზე იმსჯელეს. აღნიშნულთან დაკავშირებით, ვიქტორ დოლიძემ ხაზი გაუსვა სამიტის ფარგლებში კონკრეტული პოლიტიკური და პრაქტიკული შედეგების მიღების მნიშვნელობას.

შეხვედრაზე მხარეებმა, ასევე, განიხილეს ისეთი აქტუალური საკითხები, როგორიცაა რეგიონში უსაფრთხოების თვალსაზრისით არსებული გამოწვევები და სტრატეგიული კომუნიკაცია. ამასთან, აღინიშნა ქართული მხარის მიერ საერთაშორისო უსაფრთხოების განმტკიცებაში შეტანილი განსაკუთრებული წვლილი.

სახელმწიფო მინისტრმა საგანგებო დავალებათა ელჩებს მადლობა გადაუხადა საქართველოს ევროპული მისწრაფებების ურყევი მხარდაჭერისთვის.

საქართველოში ვიზიტის ფარგლებში, საგანგებო დავალებათა ელჩები მონაწილეობას მიიღებენ 13-14 ივლისს ქ. ბათუმში დაგეგმილ საერთაშორისო კონფერენციაში – „საქართველოს ევროპული გზა".

,,ეს არის ჩვენი სტრატეგიული პარტნიორებისა და მოკავშირეების ძალიან მნიშვნელოვანი ვიზიტი, რომლებიც დიდი მხარდამჭერები არიან საქართველოს ევროინტეგრაციული პროცესებისა და ჩვენს ქვეყანაში რეფორმების გატარების თვალსაზრისით.

საგანგებო დავალებათა ელჩები აღმოსავლეთ პარტნიორობის საკითხებზე დაესწრებიან ბათუმის საერთაშორისო კონფერენციას ,, საქართველოს ევროპული გზა" და კონფერენციის ფარგლებში გამართავენ მაღალი დონის ორმხრივ შეხვედრებს, მათ შორის, საქართველოს პრემიერ- მინისტრთან. შეხვედრებზე, რა თქმა უნდა, დიდ დროს დავუთმობთ აღმოსავლეთ პარტნიორობის ნოემბრის სამიტის საკითხებს გამომდინარე იქედან, რომ ჩვენი ხელისუფლება ვახდენთ ძალიან სერიოზული მხარდაჭერის კონსოლიდაციას. ყველა ქვეყანას თავისი მეტ-ნაკლებად აქვს მხარდაჭერის, ოპტიმისზმისა და სკეპტიციზმის ინდივიდუალური გამოვლინება და ამიტომ მუშაობს საქართველოს ხელისუფლება ინტენსიურად და ყოველდღიურ რეჟიმში როგორც დედაქალაქებში, ასევე, საქართველოში აკრედიტებულ საელჩოებთან. ამიტომ ეს ვიზიტი არის მხარდაჭერა ჩვენი ევროპული მისწრაფებების, ბათუმის საერთაშორისო კონფერენციის, რომელიც ასევე, ევროპული მისწრაფებების ერთ-ერთი უმნიშვნელოვანესი გამოვლინებაა და ჩვენ აუცილებლად მივაღწევთ იმას, რომ როგორც აღმოსავლეთ პატრნიორობის ნოემბრის სამიტზე, ასევე, მომავალშიც ევროინტეგრაციის პროცესები მათი მხარდაჭერით ჩვენი ქვეყნისათვის აუცილებლად წავა წინ."- განაცხადა სახელმწიფო მინისტრმა შეხვედრის დაწყებამდე ჟურნალისტებთან შეხვედრისას.

სხვა ამბები

  • ვიქტორ დოლიძე სერბეთში შეხვედრებს მართავს 13 ნოემბერს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ ქ. ბელგრადში, სამუშაო ვიზიტის ფარგლებში შეხვედრები გამართა სერბეთის ევროპასთან ინტეგრაციის მინისტრმა იადრანკა იოკსიმოვიჩსა და ევროკავშირში სერბეთის გაწევრიანებასთან დაკავშირებით მთავარ მომლაპარაკებელს ტანია მისჩევიჩს შეხვდა.
  • ვიქტორ დოლიძის სამუშაო ვიზიტი გერმანიაში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე სამუშაო ვიზიტით გერმანიის ფედერაციულ რესპუბლიკაში, ქ.ბერლინში გაემგზავრა, სადაც 9-11 ნოემბერს შეხვედრები გამართა.
  • ევროკომისიის ანგარიშის თანახმად ევროკავშირის პრიორიტეტები თანხვედრაშია საქართველოს მთავრობის რეფორმების გეგმასთან 2017 წლის 10 ნოემბერს ევროკომისიამ საქართველოს მიერ ასოცირების შეთანხმების შესრულების თაობაზე ანგარიში გამოაქვეყნა, რომელიც მოიცავს პერიოდს 2016 წლის დეკემბრიდან 2017 წლის ბოლომდე. დოკუმენტში შეფასებულია საქართველოს მიერ ასოცირების შესახებ შეთანხმების ფარგლებში რეფორმების განხორციელების კუთხით მიღწეული პროგრესი. როგორც ანგარიშშია ხაზგასმული 2017 წელს საქართველოსა და ევროკავშირს შორის ურთიერთობები კიდევ უფრო ინტენსიური გახდა.