ვიქტორ დოლიძის შეხვედრა თაღლითობის წინააღმდეგ ბრძოლის ევროკავშირის ოფისის (OLAF) გენერალურ დირექტორთან

29 ივნისს, მთავრობის ადმინისტრაციის შენობაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე საქართველოში ვიზიტით მყოფ თაღლითობის წინააღმდეგ ბრძოლის ევროკავშირის ოფისის (OLAF) გენერალურ დირექტორს ჯოვანი კესლერს შეხვდა.

ჯოვანი კესლერის ვიზიტის მიზანია საქართველოში მიმდინარე რეფორმების გაცნობა, მათ შორის საქართველო-ევროკავშირის ასოცირების შეთანხმებით მიმდინარე ევროინტეგრაციის პროცესის განხილვა.

შეხვედრაზე განსაკუთრებული აქცენტი გაკეთდა კორუფციასთან ბრძოლის წინააღმდეგ საქართველოს მიერ მიღწეულ პროგრესზე, ასევე, განიხილეს საქართველო-ევროკავშირის ასოცირების შეთანხმებით გათვალისწინებული თაღლითობის წინააღმდეგ მიმართული დებულებების განხორციელების საკითხი, რომელიც მომავალში ევროკავშირის ფინანსური დახმარების პროგრამებსა და პროექტებზე უნდა გავრცელდეს.

„ეს არის ერთ-ერთი ძალიან მნიშვნელოვანი და სერიოზული ოფისის დირექტორი ევროკავშირში, რომელიც წარმოადგენს თაღლითობის წინააღმდეგ ბრძოლის ე.წ. OLAF-ის გენერალურ დირექტორს. ბატონი კესლერი თავად გამოირჩევა ძალიან სერიოზული წარმატებით თაღლითობის წინააღმდეგ ბრძოლის თვალსაზრისით, მათ შორის, მის ქვეყნაში, იტალიაში. სერიოზული რეფორმები გაატარა ამ კუთხით და ძალიან მნიშვნელოვანია მისი პირველი ვიზიტი საქართველოში, რათა მის კოლეგებთან და ჩვენთან ერთად შეაფასოს საქართველოში მიმდინარე რეფორმები, მათ შორის ევროკავშირთან მაქსიმალური დაახლოვება და ჩვენ, როგორც ფორმალურ, ასევე, არაფორმალურ ვითარებაში გვექნება საშუალება, რომ გავიაროთ ყველა მნიშვნელოვანი საკითხი და მოხარული ვართ, რომ იგი იმყოფება თბილისში."-განაცხადა ვიქტორ დოლიძემ შეხვედრის დაწყებამდე ჟურნალისტებთან.

სხვა ამბები

  • ვიქტორ დოლიძე სერბეთში შეხვედრებს მართავს 13 ნოემბერს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ ქ. ბელგრადში, სამუშაო ვიზიტის ფარგლებში შეხვედრები გამართა სერბეთის ევროპასთან ინტეგრაციის მინისტრმა იადრანკა იოკსიმოვიჩსა და ევროკავშირში სერბეთის გაწევრიანებასთან დაკავშირებით მთავარ მომლაპარაკებელს ტანია მისჩევიჩს შეხვდა.
  • ვიქტორ დოლიძის სამუშაო ვიზიტი გერმანიაში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე სამუშაო ვიზიტით გერმანიის ფედერაციულ რესპუბლიკაში, ქ.ბერლინში გაემგზავრა, სადაც 9-11 ნოემბერს შეხვედრები გამართა.
  • ევროკომისიის ანგარიშის თანახმად ევროკავშირის პრიორიტეტები თანხვედრაშია საქართველოს მთავრობის რეფორმების გეგმასთან 2017 წლის 10 ნოემბერს ევროკომისიამ საქართველოს მიერ ასოცირების შეთანხმების შესრულების თაობაზე ანგარიში გამოაქვეყნა, რომელიც მოიცავს პერიოდს 2016 წლის დეკემბრიდან 2017 წლის ბოლომდე. დოკუმენტში შეფასებულია საქართველოს მიერ ასოცირების შესახებ შეთანხმების ფარგლებში რეფორმების განხორციელების კუთხით მიღწეული პროგრესი. როგორც ანგარიშშია ხაზგასმული 2017 წელს საქართველოსა და ევროკავშირს შორის ურთიერთობები კიდევ უფრო ინტენსიური გახდა.