ვიქტორ დოლიძემ მონაწილეობა მიიღო დისკუსიაში „საქართველოს ევროკავშირში გაწევრიანების პერსპექტივა“.

18 მაისს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ მონაწილეობა მიიღო  „საქართველოს რეფორმების ასოციაციის“ (GRASS) მიერ ნატოსა და ევროკავშირის შესახებ საინფორმაციო ცენტრში გამართულ  დისკუსიაში „საქართველოს ევროკავშირში გაწევრიანების პერსპექტივა“. ღონისძიების ფარგლებში, ასევე, მოეწყო პოლიტიკის დოკუმენტის „საქართველოს გზა ევროკავშირში გაწევრიანებისაკენ“ პრეზენტაცია.

შეხვედრაში, ასევე, მონაწილეობდნენ საგარეო საქმეთა სამინისტროს, პარლამენტის, სამოქალაქო საზოგადოებისა და მედიის წარმომადგენლები. დისკუსია მიზნად ისახავდა საქართველოს ევროკავშირში გაწევრიანების გზაზე იმ საჭირო ნაბიჯებისა და ამოცანების განსაზღვრას, რომლებიც შესაძლოა ერთიან უწყებათაშორის ხედვასა და ევროკავშირში საქართველოს გაწევრიანების საგზაო რუკაში (Roadmap) აისახოს.

სხვა ამბები