ქ. ბრიუსელში ნატო-საქართველოს კომისიის სხდომა გაიმართა

11 აპრილს, ქალაქ ბრიუსელში, ნატო-ს შტაბ-ბინაში სასჯელაღსრულების რეფორმის თემაზე გაიმართა ნატო-საქართველოს კომისიის სხდომა (NGC) პარტნიორობისა და თანამშრომლობითი უსაფრთხოების კომიტეტის დონეზე (PCSC). სხდომას ალიანსის პოლიტიკურ საკითხთა დეპარტამენტის ევროატლანტიკური და გლობალური პარტნიორობის სამსახურის უფროსი ჯეიმს მაკი თავმჯდომარეობდა. ქართულ მხარეს კომისიაზე წარმოადგენდა სასჯელაღსრულებისა და პრობაციის მინისტრი კახი კახიშვილი. ასევე, გაიმართა ორმხრივი შეხვედრა გენერალუირი მდივნის თანაშემწესთან პოლიტიკისა და უსაფრთხოების საკითხებში ალეხანდრო ალვარგონსალესთან.

ქართულმა მხარემ მოკავშირეებს ამომწურავი ინფორმაცია მიაწოდა სასჯელაღსრულების სფეროს გაუმჯობესების მიზნით განხორციელებული რეფორმებისა და სამომავლო გეგმების შესახებ. ხაზგასმით აღინიშნა, რომ საქართველო არის რეგიონსა და პოსტ-საბჭოთა სივრცეში მოწინავე ქვეყანა და მაქსიმალურად ცდილობს დაუახლოვდეს ევროპულ სტანდარტებს. მოკავშირეებმა მადლობა გადაუხადეს ქართულ მხარეს ამომწურავი ინფორმაციისთვის, დადებითად შეაფასეს საქართველოში ამ კუთხით მიღწეული პროგრესი და ხაზი გაუსვეს ქვეყნის დემოკრატიული განვითარებისთვის სასჯელაღსრულების სფეროში რეფორმების გაგრძელების მნიშვნელობას.

სხვა ამბები

  • ურთიერთთანამშრომლობის მემორანდუმი საქართველოს ტექნიკურ უნივერსიტეტთან 14 ივნისს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატსა და საქართველოს ტექნიკურ უნივერსიტეტს შორის ურთიერთთანამშრომლობის მემორანდუმი გაფორმდა. მემორანდუმს სახელმწიფო მინისტრმა ვიქტორ დოლიძემ და უნივერსიტეტის რექტორის მოვალეობის შემსრულებელმა-ვიცე რექტორმა ლევან კლიმიაშვილმა მოაწერეს ხელი.
  • პროექტის „ევროპული მასწავლებელი" სასწავლო ვიზიტის მონაწილე პედაგოგების დაჯილდოვება 14 ივნისს, ნატოსა და ევროკავშირის შესახებ საინფორმაციო ცენტრში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე, განათლებისა და მეცნიერების მინისტრის პირველი მოადგილე ქეთევან ნატრიაშვილი, საქართველოში სლოვაკეთის ელჩი რუდოლფ მიხალკა და მიგრაციის პოლიტიკის განვითარების საერთაშორისო ცენტრის ეროვნული პროექტების მენეჯერი (ICMPD) ზურაბ ყორღანაშვილი პროექტის „ევროპული მასწავლებელი" სლოვაკეთში სასწავლო ვიზიტის მონაწილე პედაგოგებს შეხვდნენ და სერთიფიკატები გადასცეს.
  • ლიტვის საგარეო საქმეთა მინისტრის შეხვედრა სტუდენტებთან 13 ივნისს, საქართველოში სამუშაო ვიზიტის ფარგლებში, ლიტვის რესპუბლიკის საგარეო საქმეთა მინისტრმა ლინას ლინკევიჩიუსმა საჯარო ლექცია გამართა ნატოსა და ევროკავშირის შესახებ საინფორმაციო ცენტრში.