საქართველოში ნატოს დღეები დაიწყო!

2 აპრილს, ნატოს დღეები სხვადასხვა მრავალფეროვანი გასართობ-შემეცნებითი ღონისძიებებით გაიხსნა. ნატოსა და ევროკავშირის შესახებ საინფორმაციო ცენტრმა ყველა დაინტერესებულ სტუმარს ღია კარის დღეზე უმასპინძლა.

დღის განმავლობაში ცენტრში წარმოდგენილი იყო პოსტერების გამოფენა ნატოს თემაზე, ფოტოკუთხე სამხედრო ინვენტარით, სამხედრო გამოფენა, საჩხერის მეორე საჯარო სკოლის მოსწავლეების მიერ გამართული თეატრალური წარმოდგენა ნატოს თემაზე, ტექნოლოგიების კუთხე, აზოტის შოუ და სხვა აქტივობები. ღონისძიების ფარგლებში, ასევე, გაიმართა გათამაშებები, სლოგანებისა და პოსტერების კონკურსებში გამარჯვებულების დაჯილდოება.

ღია კარის დღეზე სხვადასხვა უწყებაც ჩაერთო, მათ შორის შინაგან საქმეთა სამინისტროს 112-ის თანამშრომლები, მომავლის ადამიანები, ინოვაციებისა და ტექნოლოგიების სააგენტო, ეროვნული თავდაცვის აკადემიის იუნკრები და სხვ.

ნატოს დღეები ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ვიქტორ დოლიძემ და ნატოსა და ევროკავშირის შესახებ საინფორმაციო ცენტრის დირექტორმა ნინო ბოლქვაძემ გახსნეს.

ნატოს დღეები 11 აპრილამდე გაგრძელდება. პროექტი ნატოსა და ევროკავშირის შესახებ საინფორმაციო ცენტრის ორგანიზებით უკვე მეათე წელია იმართება.

სხვა ამბები

  • ურთიერთთანამშრომლობის მემორანდუმი საქართველოს ტექნიკურ უნივერსიტეტთან 14 ივნისს, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატსა და საქართველოს ტექნიკურ უნივერსიტეტს შორის ურთიერთთანამშრომლობის მემორანდუმი გაფორმდა. მემორანდუმს სახელმწიფო მინისტრმა ვიქტორ დოლიძემ და უნივერსიტეტის რექტორის მოვალეობის შემსრულებელმა-ვიცე რექტორმა ლევან კლიმიაშვილმა მოაწერეს ხელი.
  • პროექტის „ევროპული მასწავლებელი" სასწავლო ვიზიტის მონაწილე პედაგოგების დაჯილდოვება 14 ივნისს, ნატოსა და ევროკავშირის შესახებ საინფორმაციო ცენტრში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე, განათლებისა და მეცნიერების მინისტრის პირველი მოადგილე ქეთევან ნატრიაშვილი, საქართველოში სლოვაკეთის ელჩი რუდოლფ მიხალკა და მიგრაციის პოლიტიკის განვითარების საერთაშორისო ცენტრის ეროვნული პროექტების მენეჯერი (ICMPD) ზურაბ ყორღანაშვილი პროექტის „ევროპული მასწავლებელი" სლოვაკეთში სასწავლო ვიზიტის მონაწილე პედაგოგებს შეხვდნენ და სერთიფიკატები გადასცეს.
  • ლიტვის საგარეო საქმეთა მინისტრის შეხვედრა სტუდენტებთან 13 ივნისს, საქართველოში სამუშაო ვიზიტის ფარგლებში, ლიტვის რესპუბლიკის საგარეო საქმეთა მინისტრმა ლინას ლინკევიჩიუსმა საჯარო ლექცია გამართა ნატოსა და ევროკავშირის შესახებ საინფორმაციო ცენტრში.